वेणेगावमध्ये सेवा पंधरवडा उपक्रमांतर्गत ग्रामस्वच्छता अभियान उत्साहात

 वेणेगावमध्ये सेवा पंधरवडा उपक्रमांतर्गत ग्रामस्वच्छता अभियान उत्साहात

वेणेगांव - वेणेगाव (ता. सातारा) येथील शासनाच्या सेवा पंधरवड्या निमित्त वेमेगाव येथे ग्रामपंचायतच्या पुढाकाराने ग्रामस्वच्छता अभियान राबविण्यात आले. या उपक्रमात गावातील मुख्य रस्ते, सार्वजनिक ठिकाणे तसेच स्मशानभूमी परिसराची स्वच्छता करून ग्रामस्थांनी सेवाकार्याचा संदेश दिला.

या स्वच्छता मोहिमेत ग्रामपंचायत सरपंच सौ. वंदना काटे, उपसरपंच सौ. वैशाली चव्हाण, सर्व ग्रामपंचायत सदस्य, ग्रामविकास अधिकारी व कर्मचारी वृंद यांनी सक्रिय सहभाग नोंदविला. तसेच श्री पद्मावती माता हायस्कूलचे मुख्याध्यापक व शिक्षकवृंद, जिल्हा परिषद प्राथमिक शाळेचे मुख्याध्यापक व शिक्षकवर्ग, विद्यार्थी व ग्रामस्थ मोठ्या संख्येने उपस्थित राहून श्रमदान केले.

ग्रामस्वच्छतेबरोबरच समाजातील सर्व घटकांनी एकत्र येऊन गावाच्या सौंदर्यात भर घातली. सेवा पंधरवड्याच्या उपक्रमातून ‘स्वच्छ गाव – सुंदर गाव’ हा संदेश देत ग्रामपंचायत वेमेगावने स्वच्छतेचे महत्त्व अधोरेखित केले.

👉 या उपक्रमामुळे ग्रामस्थांमध्ये पर्यावरणाबद्दल जागरूकता निर्माण झाली असून पुढील काळात गावातील स्वच्छतेसाठी सातत्याने प्रयत्न करण्याचा निर्धार ग्रामस्थांनी व्यक्त केला.